رواية المجهول كامله
1
رواية المجهول كامله
-
انا الى دخلت بيتي بس بنتي دفعت الثمنnovembre 24, 2025
-
صوت الخۏف كاملةnovembre 23, 2025
-
طفلان مشرّدان طلبا بقايا الطعام… لكنهما أعادا لأمٍّ قلبها المفقودnovembre 23, 2025
-
عندما قال له سأجعل ابنتك تمشي لم يتوقع الأب أن المعجزة ستأتي من طفل مشردnovembre 23, 2025
من فترة كنت دخلت جروب علي الفيس واتعرفت علي تلات بنات ومن اللطيف انهم كانوا من محافظه واحده عملنا شات جماعي علي الواتس وبقينا نتكلم شبه يومياً ومع مرور الوقت بقينا اصحاب جدا وعلاقتنا ببعض زادت برغم بُعد المسافات
وبعد حوالي شهر ونص من معرفتنا ببعض
قررنا آخيراً نتقابل عندي في البيت
وفي يوم اللقاء كنت علي اتصال بيهم و وصفت لهم العنوان وصلوا علي الساعه 4 العصر كنت في استقبالهم بعربيتي سلمت عليهم واتحركنا بعربيتي وصلنا للبيت ورحبت بيهم ودخلنا اوضتي شغلت فيلم اجنبي علي اللابتوب بتاعي وقومت اعمل عصير
قلت لهم عايزاكم تاخدوا راحتكم اهلي معزومين في فرح وانا بطبعي إنطوائية يعني عايزين نخربها يابنات
والحقيقه السهره كانت حلوه شامله
ضحك ، هزار ، حكايات ومواقف طفولتنا الجميله
لكن اللي حصل بعد كده مكانش لطيف تماماً جاتلي رساله علي الواتس بسببها قومت مفزوعه من مكاني
و قفلت اللابتوب بتاعي ومركزه في الموبايل بتاعي
اصحابي إستغربوا من رده فعلي وسألوني
ايه يابنتي في ايه اللي حصل ؟
كنت في حاله صمت و ذهول سؤالهم اتكرر تاني
قلت لهم بنبره صوت كلها خوف ورعب
» في واحد باعتلي رساله بيقولي
انا عارف ان اهلك معزومين في فرح
وعارف كمان انكم اربع بنات قاعدين لوحدكم
في الاوضه عندك مانع لو جيت سهرت معاكم
أنا ابتديت اقلق لان بيتي في منطقه منعزله عن المباني السكنية سمر ردت وقالت :-
– طب ما تعملي بلوك يابنتي وريحي نفسك
= مش هيفيد بحاجه يا سمر لأن الشخص ده بعتلي سيلفي ليه وهو واقف برا البيت لكن شكله مش ظاهر في الصورة أنا خايفه أوي يا بنات
اصحابي بقوا مفزوعين بعد ما سمعوا جملتي الآخيره وقالولي طب احنا لازم نتصل بالشرطه
او اتصلي بأهلك عرفيهم احنا بقينا محبوسين
ومش هنعرف نخرج و ..
الدم نشف في عروقي ومقدرتش اكمل كلامي
بعد ما سمعت صوت باب الشقه اتفتح واتقفل جامد
صرخنا وقفلنا علي نفسنا الاوضه كويس
وكنا مرعوبين من الخوف ومش عارفين نعمل ايه
زادت انفاسنا وضربات قلوبنا مع سماع اقتراب صوت خطوات اقدام الشخص المجهول من الاوضه اللي احنا فيها اصحابي صرخوا وكنا في حاله انهيار تام
اتجمعنا جنب بعض وبنترعش من الخوف لما لقينا ايد بتمسك اوكرة باب الاوضه وبتحاول تفتحها
المهرب الوحيد لينا كان شباك الاوضه لكن من سوء حظنا انه كان عليه حديد
صرخنا باعلي صوتنا
الفصل الثاني من هنا
2
رواية المجهول كامله
صرخنا باعلي صوتنا لما لقيت شخص مقنع كسر باب الاوضه وبيهجم علينا قدرت انا ونورهان وسلمي نهرب ونطلع من الاوضه لكن للأسف
سمر من خوفها معرفتش تقاوم
والشخص المجهول مسكها
جريت انا واصحابي علي باب الشقه لقيناه مقفول سمعنا صوت صريخ سمر بقينا عاجزين عن مساعدتها جرينا دخلنا اوضه وقفلنا علي نفسنا كويس
وسامعين صوت سمر وهي بتصر..خ وبتستنجد بينا
واحنا خا..يفين ومر…عوبين نطلع وننقذها
بدء صوت صر..يخها يزيد و يعلي اكتر .. للتكملة إضغط على متابعة القراءة
3
رواية المجهول كامله
بدأ صوت صر…يخها يزيد ويعلي أكتر وبعد دقايق انقطع صوتها وسمعنا باب الشقه بيتفتح و بيتقفل بقوه فتحنا باب الاوضه وخرجنا بحذ..ر شديد
لقينا آثار اقدام مكانها د..م خارجه من الحمام ومتجهه لباب الشقه اتحركنا علي الحمام واحنا خا..يفين بنقدم خطوه وبنأخر خطوه وداخل الحمام شوفنا أف..ظع مشهد ر..عب في حياتنا لقينا سمر مقتوله وغر..قا..نه في د..مها صرخنا و وقعنا علي الارض من المشهد اللي شوفناه كنا في حاله انهيا..ر تام
أعز صديقه لينا مقتو..له قصادنا
مبقتش قادرة اتمالك اعصابي من الصدمه
جريت علي باب الشقه لقيته مفتوح بمجرد خروجي منه سمعت صوت صريخ نورهان و سلمي وكانوا بيستجدوا بيا رجعت تاني شوفت مشهد لا يمكن انساه شخصان مقنعان بيفصلوا رؤوس اصحابي عن بعضها كنت في حاله انهيار تام
غصب عني جريت ركبت العربية بتاعتي
واتحركت بيها ومكنتش عارفه اتجه فين
اللي حصلي بعد كده مش عايزه افتكره
وبغض النظر عن اللي حصل ما تم قد تم
وبعد مرور شهرين علي الواقعه المؤلمه رجعت لحياتي الطبيعيه او حاولت اتناسي واللي ساعدني علي دا { سحر ، دينا } بنتين اتعرفنا ببعض علي الفيس
والحقيقه مكنتش متقبله فكرة اننا نقرب من بعض لكن غصب عني كنت مضطرة اتعرف عليهم لجل ما اتخطي الصدمه اللي مريت بيها
وبعد مرور شهر سحر و دينا شرفوني و زاروني في بيتي كانوا مندمجين في الفيلم اللي شغلته علي اللابتوب بتاعي وخلال لحظات معالم وجهي
اتبدلت لخوف وقلق وقلت لهم :-
» في واحد باعتلي رساله بيقولي انا عارف ان اهلك معزومين في فرح وعارف كمان انكم تلات بنات قاعدين لوحدكم في الاوضه
عندك مانع لو جيت سهرت معاكم «
» وبعد ما بلغتهم نص الرساله ابتسمت
لما سمعت باب الشـ,ـقه بيتفتح « .تمت