اشجان بنت عفاف

فتحت بعدها بيوم البلكونة بتاعتي ولمحتها بتبص ناحيتي من الشباك القديم بتاع بيتهم، استعذت بالله من الشيطان الرجيم وقفلت البلكونة بتاعتي، لحد ما اختفى ابني الصغير مرة واحدة وقلبنا عليه الدنيا كلها، وفي الآخر سمعنا صوته جوة بيت عفاف، كسرنا الباب ودخلنا لقيناه جوة مبسوط وعمال يضحك وبيقول إنه كان بيلعب مع (أشجان) بنت عفاف، خدته برة البيت وأنا مرعوبة وحبسته في بيتي وحرمت عليه يخرج بتاتًا، الغريب إنه معترضش ولا زعل رغم إنه في وضع تاني كان فضل يعيط، وبقا فعلًا مبيخرجش من البيت ليل نهار، دايما في أوضته ودايمًا سمعاه بيكلم حد، ولما سألته قالي إن أشجان بتلعب معاه وبتجيله كل يوم في أوضته..

كلامه كان مرعب لأبعد مدى، مرعب لأني كنت فعلًا بشوف البنت في بيتي وبحس بوجودها، وكان دايما يقولي حطيلي أكل أنا وأشجان لأنها بتحب أكلك، وفضلت على الحال ده لحد ما بدأت بطني تتعبني تعب غير طبيعي، كنت بصحا بالليل على نار بتحرق في بطني، كنت بشوف ألم وكأني بتعذب بالنار، أيام طويلة لحد ما الدكتور قالي الجهاز الهضمي عندك بقا تالف كله ومستحيل تكوني عايشة بجهاز هضمي زي ده، وقال لابني الست دي هتموت خلال أيام..

….

أمي ماتت، وأنا بس اللي قولت للناس إنها ودت طبق لأشجان قبل موتها بيوم فيه رز وفراخ ومحطوط فيهم سم، أمي اللي قتلت (أشجان) ولما أشجان كانت بتجيلي كنت بشوفها بتحط سم لأمي في الأكل عشان تنتقم منها ومكنتش بقدر أعترض، أمي كانت ست قلبها أسود مأشفقتش على عفاف اللي جوزها وابنها ماتوا موتة بشعة، مأشفقتش على بنتها اللي عمرها ما أذت حد في حياتها حتى لو كان أبوها من الجِن..

أمي قتلتها وتستحق نهايتها، أنا دلوقتي بحكي حكاية أمي وأنا بحضر رسالة الدكتوراه بتاعتي تحت عنوان (تقبل التعايش مع المختلفين عنا)..

قولت فيها إن حولينا ناس مرضى، ناس مجانين، ناس مختلفين عننا، ربنا سبحانه وتعالى خلقهم كدا، لازم نتقبلهم وسطنا، مينفعش ننبذهم لمجرد الاختلاف، هما مش هيأذونا أبدًا، احنا للأسف اللي بنأذيهم ونحاربهم، عمرك شوفت مجنون بيضرب الناس إلا لأنهم ضربوه الأول، أو طفل مصاب بمتلازمة داون أذى حد، احنا بس اللي بنأذيه، احنا اللي المفترض عاقلين، صدقني لو كنت رحيم بالناس حتى لو كانوا من الجن مش هيأذوك، إنما تأذيهم وقتها هيجيلك الانتقام من رب العالمين، وأنت واختيارك..

(الراحمون يرحمهم الرحمن).

بقلم: أحمد محمود شرقاوي

……………….

لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص على أكاونت أحمد محمود شرقاوي كل اللي تعرفه عن الحكاية أو الموقف المخيف ده بدون استئذان وتأكد اني هشوف رسالتك بأمر الله..

بقلم: أحمد محمود شرقاوي

……………….

متنساش لو عجبتك القصة تعمل لاف وتعليق برأيك في كومنت..

ومتنساش تمنشن أقرب صديق لك عشان يتابع معانا القصة أو تشاركها مع أصحابك..

وفولو لصفحتي الشخصية لو أول مرة تتابعني عشان يوصلك كل جديد.

بقلم: أحمد محمود شرقاوي