رواية الغرباء كاملة بقلم حماده هيكل
1
رواية الغرباء كاملة بقلم حماده هيكل
-
انا الى دخلت بيتي بس بنتي دفعت الثمنnovembre 24, 2025
-
صوت الخۏف كاملةnovembre 23, 2025
-
طفلان مشرّدان طلبا بقايا الطعام… لكنهما أعادا لأمٍّ قلبها المفقودnovembre 23, 2025
-
عندما قال له سأجعل ابنتك تمشي لم يتوقع الأب أن المعجزة ستأتي من طفل مشردnovembre 23, 2025
كاملة
من فترة كنا عايشين في مدينة جده في السعودية والدي جاله إنتداب في مدينة هناك إسمها نجران في المملكة مدينة جميله و هاديه
للي مايعرفهاش نجران هي العاصمة الإدارية لمنطقة نجران في جنوب السعودية مشهورة بالزراعة النخل منتشر في كل مكان أشهر معالمها سد وادي نجران أحد أكبر السدود في الجزيرة العربية بالإضافه للمنطقة الأخدودية التي ورد ذكرها في القرآن الكريم في سورة البروچ جبالها ماليانه بالمواقع الأثرية والنقوش المتنوعة اللي مرسوم عليها تاريخ حضارات قديمة ترجع ل ٤٠٠٠ سنة قبل الميلاد
فترة الأعدادي كنا في مدرسة جميلة صورة مصغره من المدينة صغيرة و هادية و جميلة
الفصول واسعة و نضيفة و منظمة و كل فصل فيه تكييفين و مروحة سقف
بالإضافه طبعا ل شباكين على سور المدرسة و شباك على الطرقه الداخلية
المهم طباع الناس في نجران هادية كل واحد في حاله فيهم حبة طيبة كده تحسها في كلامهم و تصرفاتهم و تعاملاتهم و ملامحهم و طبعا كان ابنائهم اللي معايا في الفصل بنفس الطباع
بس كان معانا في الفصل
مجموعه من ٦ تلاميذ مختلفين تماما عن أي حد فينا أو حتى عن سكان المدينه او يمكن مختلفين عن أي حد قابلته حتى بعد كده
طباعهم غريبة
مع نفسهم
مابيكلموش حد
مابيحتكوش ب حد
مابيتعاملوش غير مع بعض
مابيسألوش
مابيجاوبوش على أسئلة
نظراتهم غريبة جدا و حادة
كلامهم بصوت واطي و بطئ شبه مش مفهوم ألفاظ غريبة
كنا بنلاحظ ساعات انهم بيعكسوا بعض الكلمات
و ساعات بيعكسوا الجمل
أو بينطقوها بترتيب غريب
محدش فينا كان فاهم ليه
شكلهم غريب تحس ملامحهم رجاله كبار مش في اعدادي خالص
بس كنا عارفين إنهم كلهم من عيلة واحدة كبيرة في نجران
اللي عرفته فيما بعد ان العيلة ديه أصلها من أكبر قبائل نجران
و كانوا مشهورين بالسحر
كل ده كان عادي
احنا بندخل الفصل و هما ورانا من كتر انعزالهم عننا مابقيناش نهتم أوي بتصرفاتهم الغريبه خلاص هما ف حالهم و احنا ف حالنا
في يوم قبل نهاية الترم الأول بإسبوعين كنا واقفين وقت الفسحه
في الملعب بنتكلم و نهزر مش فاكر ايه اللي جاب سيرة المجموعة الغريبة اللي معانا بس اللي فاكره كويس ان كان معانا ولد شاطر و محبوب و اجتماعي إسمه محمد كان فيه كره شديد بينه و بين المجموعه ديه في نفس الوقت كان فيه نظرات حادة جدا مليانه كره و انتقام و متوعده من المجموعة ديه ل محمد
زي مايكونو بيقولوله أصبر هاتشوف أو مش هانسيبك محدش فينا كان عارف السبب بس اللي سمعته فيما بعد ان كان فيه مشكلة كبيرة بين عيلة محمد و العيله بتاعت المجموعة ديه مشــ,كلة د,م ورث نسب!! مش عارف
عدا التر,م الأول و أجازة نص السنة
و بعد بداية الترم التاني بشهر و نص تقريبا في يوم نزلت الفسحه و نسيت آخد كيس السندوتشات بتاعي من الشنطة
اليوم ده محمد كان غايب
المهم
طلعت تاني الفصل أجيب كيس السندوتشات روحت أفتح باب الفصل لاقيته مقفول حاولت أتعافى عليه شويه برضه ماقدرتش افتحه روحت أبص م الشباك اللي بيبص على الطرقه أشوف حد جوه يفتحلي الباب
فاكر كويس أوي المنظر اللي شفته
عمره ما راح من
دماغي من عشرين سنة
شفت الستة قاعدين على ديسك في آخر الفصل جنب بعض
فاردين حبل تخين فوق الديسك
الحبل معقود ست عقد المسافه بينهم متساويه
الست أشخاص كانوا مقربين على الحبل كل واحد مقرب من عقدة بيتكلموا كلام مش مفهوم تقريبا مكنتش سامعه و بعد جمل معينه يوقفوا الكلام و ينفخوا كل واحد في العقدة اللي قدامه بعد كده بدلوا أماكنهم و برضه قعدوا يكلموا العقد كأنهم بيواشوشوها
و ينفخوا
مش فاهم ايه اللي بيحصل قعدو كده حوالي ربع ساعه
مكنتش عارف بيعملوا ايه وطبعا نسيت السندوتشات و الفسحه خلصت و اليوم عدا
رجعت البيت و نسيت كووووول اللي حصل
في اليوم التالي وقفنا الطابور الصباحي كعادة كل يوم بس محمد برضه كان غايب و ديه حاجه غريبه هو أصلا مابيغبش
المهم الطابور خلص طلعنا الفصل فتحنا الباب علشان ندخل و هنا كان أصعب حاجه ممكن يشوفها أ طفال في خامسه ابتدائي
محمد كان مشنو ق بحبل نازل من السقف في نص الفصل
إ نتحر !!
حالة هل ع وصراخ اصاب جميع التلاميذ
مع ذ هول وتعجب من أعضاء هيئة التدريس من اللي حصل
الكل
كان بيجري
متابعة القراءة