مشكلة عضوه

رساله متابعه

دلوقتي انا متجوزة من تسع سنين وانا مراته التانية وهو كان جوز صحبتي وكنت انا وهي عشرة عمر من وحنا صغيرين بس جت عليا فترة ابويا مات وكان سايبني عايشة مع اتنين مرتات اب لان امي ميتة من ونا صغيرة فى الفترة دي جوز صحبتي كان واقف جنبي جدا ومهتم بيا اكتر منها كمان ومرات ابويا كانت عايزة تجوزني اخوها عشان طمعانه فى ورثي من ابويا انا ماليش اخوات شققا كلهم من ابويا بس وجوز صحبتي اهتم بيا جدا واتقدم لي ونا وافقت كنت شيفاه احسن من اخو مرات

ابويا وقولت هعيش مع صحبتى حبايب وفي بيت واحد بس هى رد فعلها كان وحش اوى وقطعتنى وغضبت عند اهلها سنة وفى الأخر رجعت عشان عيالها بس انا اطريت اعزل من البيت واسكن برا عشان ماتزعلش ونا والله كنت بدور ع أمان ومالقيتهوش غير معاه حسيت كل اللي حواليا طمعان فيا الا هو وكلمتها قولتله لو عيزاه يجيلك الاسبوع كله وانا يجيلى ساعتين انا موافقة بس انا ماليش غيرك شت***متنى بالفا*ظ وح**شة اوي واتهمتني اني خدته منها واني مش كويسة وقفلت فى وشي ومن وقته مش بنتكلم خالص الكلام دا من ٦ سنين واكتر بس دلوقتى جوزي عايز يتجوز واحدة وانا اعرفها

جارتنا في المنطقة فكلمت اللي كانت صحبتى اعرفها ونتفق نشوف هنعمل ايه هى معاها ٤ عيال وانا معايا اتنين فمينفعش يتجوز تاني هيقصر معانا ومع عيالنا كدا فضلت تضحك وتتريق عليا وتقولي دانا اروح اخطبهاله كمان وادوقك الن*ار اللى دوقتهاني وقالتلي ان الست اللى يتجوز عليها جوزها مرة ما بتزعلش من التانية وخوفتني وقالتلي خافي ع نفسك انا مارجعتلوش غير لما كتبلي شقتي اللي قاعدة فيها مع عيالي ووصل أمانة الدور والباقي عليكي انتي ى رخيصة ياللي خطبك بدبلة وبقالك تسع سنين قاعدة فى إيجار ودا كان شرط من شروطي برضه انه مايقعدكيش فى ملك ولا يساويكي بيا

وانا مش فاهمه هى جابت الغل دا كله منين دحنا كنا بناكل فى طبق واحد والله العظيم وكلامها كله مفاجأة بالنسبالي ومش عارفة اعمل ايه واامن نفسي انا وعيالي ازاي دلوقتي انا ماليش حد فى الدنيا كلها غيره واخاف يطلقني ولا يسيبني اعمل ايه دلوقتي؟