قصة دكتور أسنان

صحيت النهاردة على ألم غير طبيعي في أسناني..انا بطبعي بخاف من دكاترة الأسنان… ولكن المرة دي شكله مفيش مفر… لازم أكشف ، فعلا مش قادرة

_صباح الورد يا أمل ، عامله ايه النهاردة

_ جدا..مفيش فايدة هتصل بالعيادة أحجز كشف

وأمري لله

_ألف سلامه يا حبيبتي

أتصلت بالعيادة وكان معادي عند الدكتور الساعة 8 بالليل

حاولت أني أخليه قبل كدا ..لكن مفيش فايدة كان في حجوزات كتير وللاسف مفيش كشف مستعجل

اخدت مسكنات كتير وأتت بصعوبة لحد الليل ، المفروض أن أخويا أحمد ييجي معايا ..أتصلت عليه كتير ما بيردش

رغم أني مأكدة عليه من الصبح على المعاد، بس أكيد بيلعب كوره ومش سامع التليفون كالعادة

بابا كان في الشغل ومش هيرجع قبل الساعه 10

ماما طلبت أأجل معاد الدكتور ، بس مكنتش هقدر

أخدت أختي الصغيرة سالي اللي كان عمرها ٩ سنين

ماما قالت خديها معاكي عشان متروحيش لوحدك

والدكتور مش بعيد عننا كتير ..وهي لولا تعبها كانت هتيجي معايا ..

بالفعل أخدت سالي ، وركبنا تا على عنوان العيادة

وصلنا للعنوان المحدد

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

انا جيت هنا من كام شهر والدكتور كتب لي على مسكنات

بعد رفضي لفكرة الحشو..بس الظاهر اني لازم أحشي يا إما ه ويارب يكون الحشو هو الحل لأني بخاف من ال اوي

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

العيادة كانت في الدور التالت ..الاسانسير كان متعلق فوق

أضطرينا نطلع على السلم ، كان مدخل العمارة ضلمه على غير العادة ..سالي مسكت إيدي وقالت انا خايفه

_ يا سالي أنا معاكي أهو

_لا أنا خايفه

_يوووه بقى مش هخلص من زنك..اعمل ايه ماما هي اللي صممت اخدك معايا ، عشان الزفت أخوكي مجاش في معاده من بره

_طيب أحنا هنقعد هنا كتير

_لا مش كتير أول ما بيجي دورنا هندخل على طول

يلا بقى وبطلي رغي

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

طلعنا السلم وسالي كانت متبته في إيدي جامد ..خصوصا أن السلم كمان كان عتمه ومش شايفه قدامي حاجة

طلعنا الدرج وحده وحده ..وفجأة حصلت حاجة خلت قلبي كان ….

دكتور الاسنان الجزء الثاني

سمعنا صوت كلب ودي تاني اكتر حاجة برتعبني بعد الأسنان

_أمل انا خايفه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

_ صوت جاي من جوه شـ،ـقه من الشـ،ـقق

_طب يلا نطلع بسرعه بقى

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

وصلت العيادة وأتفاجأت أنه مفيش حد غير الراجل اللي بياخد الكشف ..إبتسم إبتسامه مريبة لحظة ما شافني

_لو سمحت هو الدكتور موجود ولا مشي..انا جايه في ميعادي!

_يمشي أزاي..أكيد موجود ومستني حضرتك

_مستنيني أنا!!

_أقصد يعني مستني عشان يكشف عليكي

هو جه بدري النهاردة وخلص كل الكشوفات والإعادات

_طب كويس ، حظي حلو مش هتأخر

_تعالي يا سالي

_لا خلي سالي هنا!!

_نعم !! إزاي يعني ؟؟

شاور لي على اليافطة المتعلقه فوق الباب

ممنوع دخول مرافقين مع المريض!

_ايوه بس انا كنت هنا من كام شهر ودخلت مع أخويا

_النظام أتغير يا أستاذه..وانا مقدرش أخالف النظام

وبعدين بقى في الحيرة دي..طيب اقعدي هنا يا سالي

وانا هكشف وأخرج بسرعة

_لا أنا عايزة أدخل معاكي؟