جوزي رفض يديني ..

هدي
في ايه يا هند انت من امتى بتكلميني بالطريقه اللي انت بتتكلم بيها دي وبعدين يعني هو انا كنت عملت ايه انا قاعده في شقتي
براحتي ومش شايفه نفسي غلطانه
خالص الجو حر وانا قافله علي نفسي
الباب

هاني
اياك اشوفك بالطريقه دي انتي فاهمه ولا لا
والله ما تعرفي هسود عيشتك
ازاي لو شوفتك كده تاني

هدي
بقولك اي هو انت تخرج تروق بالك
برا وتيجي هنا تطلع عليا
عقدك باب الشقه محدش مع المفتاح
الا انا وانت

هاني
برضو مايصحش كده انا مش عايزك تقعدي كده انتي فاهمة ولا لا

هدي
استغفر الله العظيم هو ايه ياهاني ده مراتك ياراجل فيها لما اقعد كده وانت ترجع وتشوفني هو انا محرمة عليك ده انا حلالك

هاني
بقولك ايه انا مش عارف اني مش هخلص منك خلاص اعملي اللي انتي عايزاه بس تبقى بعيده عن دماغي وخلاص

هدي
ياساتر منك مفيش فايدة انا مش عارفه انا عاملة لك ايه عشان تعاملني بالشكل ده

هاني
بلا عامله بلا مش عاملة سبيني باللي انا فيه ماشي انا مش ناقص وجع دماغ انا داخل انام ومش عايز ازعاج ياهدي

هدي
ماشي وانا مش هعملك ازعاج متخافش ياحبيبي انا اصلا انا كمان كنت ناوية انام لاني تعبانة من الوقفه طول اليوم على على رجلي في البيت هنا وانت ولا حاسس ولا داري اصلا

وعند محمود راح لنرجس وقال لها
بقولك ايه يا ست انتي تمشي من هنا حالا دلوقتي لحسن والله ماتعرفي انا ممكن اعمل فيكي ايه

نرجس
الله جرا ايه يا راجل انت هو انت كل دقيقه والتانية طالع لي شقتي بحجة اني امشي من هنا طب والله تلاقيك انت اصلا مش عايزني امشي هتنكر انك معجب بيا

محمود
استغفر الله العظيم انتي ايه الكلام اللي بتقوليه ده يا ست انتي انا والله لوما عامل انك ست وانا مينفعش اعمل حاجة لست انا كنت عرفتك مقامك كويس وبعدين انتي ازاى تصوري نفسك معايا وتبعتي الصور لمراتي

نرجس باستغراب
مين انا وانا هعمل كده ليه يا سي محمود وانا مالي ومال مراتك وبعدين ياخويا انا معملتش حاجة روح شوف يمكن حد مصتقصدق ولا حاجة

محمود
اسمعي لما اقولك بقا انا مليش دعوة بالكلام الفارغ بتاعك انتي تسيبي وتمشي من هنا دلوقتي حالا بدال ما اعملك فضيحة واخلي الناس كلها تتفرج عليكي

في اللحظة دي راحت نرجس فاتحة العبايه اللي هي لبساها بايديها وقالت له
انا بقا هوريك مين اللي هيفرج الناس على التاني
وراحت مصوتة وقالت
الحقوووني ياناااس الحقوووني الاستاذ طالع يتهجم عليا الحقوووني

محمود
انتي اللي انتي بتعمليه ده ياست انتي انتي اتجننتي ولا ايه انا جيت جنبك ولا ايه

نرجس
جيت جنبي اومال مين اللي قطع لي هدومي كده ودخل واتهجم عليا تعالي يامدام ليلى شوفي جوزك المحترم بيعمل فيا ايه

وطلعت ليلى وقالت لها
انتي بتقولي ايه ياست انتي انا جوزي عمره ما يعمل حاجة زي دي امشي من هنا يلا امشي من هنا وإياكي اشوف وشك هنا تاني دي جزاتنا اننا سكنا واحده زيك في بيتنا انتي اللي زيك ليها الشارع وبس

نرجس
والنبي ايه ياختي انا همشي وهسيب لكم المخروبة دي كتكم الهم انتي وجوزك وده اصلا انا ابص له

قالت كلامها ومشيت وليلى قالت له
يلا يامحمود على شقتنا
ونزلو شقتهم وهي قالت له
انا عارفه ان الست دي كانت بتتبلي عليك يامحمود عشان تتعلم بعد كده انك متسكنش اي حد في البيت

محمود
اه والله يا ليلي انا خلاص اتعلمت فعلا ودي اخر مره اسكن حد في العمارة من غير ما اعرف أصله وفصله والست دي الصراحة كانت شبه العمارة اهي غارت في داهيه

وعندي في شقتي كان هاني قاعد في الاوضـ,,ـة ونرجس اتصلت عليه وقالت له
اخس عليك ياهاني بقا كده تسبني وتمشي ده الراجل ياحبيبي اللي هو صاحب البيت لما ملقاش مني رجا الراجل جه وكان عايز يتهجم عليا لوما انا لميت الناس عليه

هاني
انتي بتقولي ايه يا نرجس بقا الراجل اللي اسمه محمود عمل معاكي كده طيب ليه ده هو اللي قالي انك بيطلع عندك رجاله علطول

نرجس
ماهو عمل عليك التمثليه دي عشان ياخد مراده مني بس انا بقا مرضتش ادي له عقاد نافع

هاني
انا مليش دعوة بالكلام ده كله يا نرجس انا خلاص مش عايز اعرفك تاني ماشي

نرجس
ماشي ياحبيبي وانا مش رامية نفسي عليك انا عايزة فلوسي يا حبيبي اللي انت اخدتها مني

هاني
فلوس ايه دي يانرجس ان شاء الله هو انا اخدت منك فلوس ده امتى ده

نرجس
يانهارك اللي مش فايت بقا انت مش عارف فلوس ايه اللي انا اخدتها مني لا ده انت كده بتستهبل بقا وناسي وصولات الأمانة اللي انت ماضيها على نفسك ايه نسيت بسرعه كده انك كنت عايز قال ايه تعمل مشروع وجيت لي واخدت مني فلوس

في اللحظة دي هاني افتكر ان فعلا هي مكتباه وصلات أمانة وضرب بايدة على راسه وقال لنفسه
يانهار مش فايت ده كنت ناسي فعلا وبعدين بقا في الورطة دي

نرجس
ايه يا سي هاني رحت فين ولا انت من الصدمة مش عارف ترد عليا هااا رد انطق هتجيب فلوسي امتى بقا انت عارف ان الفلوس دي بتاعت دهبي اللي بعته عشانك

هاني ارتبك وقال لها
اااا اهدي بس يا نرجس ياحبيبتي انا فاكر الفلوس وبعدين انتي عارفه ان الفلوس انا حطيتها المشروع اللي خسر معايا كل الفلوس ده اجيب منين بس انا

نرجس
مليش فيه ياحبيبي انا عايزة فلوسي على داير مليم ياما تجيبهم لي دهب ااه وياريت تجيبهم دهب يكون احسن اهو اكون انا المستفادة برضو اسمع انا هديك مهله لاخر الاسبوع يافلوسي تيجي ياما الوصلات تروح للنيابة سلام يا استاذ هاني

وقفلت في وشة الخط وهاني قال لنفسه
يادي الواقعه السوده اللي وقعت نفسك فيها هعمل ايه دلوقتي انا مع الزفتة اللي اسمها نرجس دي دي ممكن تلبسني مصيبة انا عارفها كويس دي محدش بيقف قصدها

وفي اللحظة دي دخلت عليه وقولت له