رواية القايمه

بس انا مش هكتب قايمه بصيت برعـ،ـب علي بابا الي وشه اتحول تماماً يعني اي يابني ، اومال هنضمن حق بنتنا ازاي يعني _ يعني كده انت محوني ؟ ، وانا مقبلش علي نفسي كده. بصلي بابا بحزن ودخلي – خلاص يا بابا مش عايزه قايمه مش عايزه حاجه والله ، كمل الجوازه بالله عليك * روان انتي غاليه ، مينفعش حقك ميضمنش ، الحركه دي اثبتتلي أنه ندل وأنه مستعد يبيعك وميكنش عليكي ضمان ! يابابا بالله عليك الناس * يولـ،ـعوا الناس مالنا ومالهم دي حياتك انتِ مش حياه حد ، انا مش هكون مضمن عليكي هناك ، ده مش موافق يمضي عشان التلاجه ! ده مش راجل اصلا

بصيت له بعياط صعبان عليا نفسي بقالي اربع سنين مخطوبه، كان ندل معايا بس كنت بحبه وبقياله ، موقف زي ده احرجني بطريقه لا يتوقعها ، كـ،ـسر فرحتي عشان تلاجه ، انا عارفه إن الشباب الفتره دي ظروفهم الماديه صعبه جداً ، وبيعينوا القرش علي القرش عشان الحلال ، بس كان ممكن يجيبها بطريقه الطف مثلاً ، مش بالطريقه المهينه دي ! ، دخلت وعيطت ، عيطت كتير ، انا مش عارفه لي حظي كده ، الناس كلها بدأت تمشي بس الناس بدأت تتكلم كنت واقفه في الصاله بعيط والناس بتهون عليا وبتمشي واحده واحده ، لحد ما لقيت بنت وامها بدأو يهمسوا بصوت مسموع : دي شكلها بايره، عشان كده مبيجيلهاش عريس ، وكمان بتامر ياختي علي بنات اليومين دول اومال لو كانت حلوه

عيطت اكتر ودخلت اوضتي بهدوء وانا بندب حظي بس لقيت شاب في وسط الموجودين بدأ يتكلم بصوت عالي وبيقول : روان مش بايره بس مش لازم تقول إن كل يوم بيجيلها عريس عشان عينك ، وبعدين هو في حد في جمال ورقه وطيبه روان ! مش احسن من بنتك الي واخده الدقيق كله في وشها ، ااااه اداري الدقيق غلي ، عشان بنتك بقت تستخدموا علي وشها
الصوت علي اكتر وبدأ في نقاش وخناق كبير لحد ما بابا أتدخل وحل الموضوع ومبقاش في البيت غيري انا وبابا واخويا بس دخلت اوضتي بخنقه وعياط وقفلت الباب عدي خمس دقايق وانا سامعه همسهم وهما متوترين مين يدخلي بس بجد انا مش عايزه حد جمبي ، انا عايزه شويه وقت لنفسي ، شويه مساحه ، عايزه ولو لمره واحده اقوم نفسي ، عايزه اعتمد علي نفسي في حزني

الباب خبط ودخلوا هما الاتنين وعلي وشهم ملامح الحزن والاحراج
تعال يا بابا تعال يا عُدِي
قعد عُدي جمبي وهو بيقول : بقولك اي ما تيجي ناكل ماك يلا البسي
_ عدي بعد اذنك انا فعلا مش قادره والله
اتكلم بابا وهو بيدمع : طيب اي رأيكم بقي إني جعان واني هاجي اكل معاكو يلا قومي البسي
شاورتلهم بحزن ولبست وانا بعيط بس محطتش اي ميكب لاني مش قادره احط ميكب ،
تعالي نقعد علي الترابيزه دي ؟

قعدت بهدوء وبصيت علي المكان حواليا كان زحمه كل الترابيزات مليانه بس .. بس انا بخاف من الزحمه بدرجه كبيره ، مش برتاح في المكان ده ، الاكل نزل وبدأت اكل بهدوء وفي وسط الاكل مقدرتش امنع نفسي من العياط ، كنت طول منا باكل وانا بفكر في الموضوع يوم واحد اتشـ،ـقلب بالطريقه المهينه دي كلمه واحده غيرت حياتي كلها ، بدأ كل الي موجودين ياخدو بالهم مني اخويا ساب الاكل وخدني في حـ،ـضنه بهدوء ، وبابا كان حـ،ـزين علي وضـ،ـعي جه الجرسون وإما رفعت وشي لقيته هو الي دافع عني النهارده بسبب كلام الام وبنتها حطلي مياه ساقعه ومناديل بهدوء ومشي …
الفصل الثاني من هنااااااا

رواية القايمه الفصل الثاني

جه الجرسون وإما رفعت وشي لقيته هو الي دافع عني النهارده بسبب كلام الام وبنتها حطلي مياه ساقعه ومناديل بهدوء ومشي

اتكلم عدي : تسلم يا حمزه

بص حمزه بهدوء عليه وابتسم ومشي

هديت شويه وبصيت لعدي: هو مين ده ، انت تعرفه ؟

ايوه ده حمزه صاحبي الي جه في …..

بصيت قدامي بهدوء : يلا نمشي ؟

طيب

روحنا البيت ونمت في اليوم ده اصعب مره انام فيها ، حوار إنك تنام وانت في كميه خذلان مش طبيعيه ، متهان ومكسور والمطلوب منك إنك تعيش في سلام وتكون طبيعي ، محدش عنده كميه الفكر انك أنت بتمر باسوء مرحله في حياتك ، انت مش قادر تكمل بس واجب عليك تكمل وتعيش طبيعي ، عارفه إنهم بيحاولوا يساعدوني ، بس انا محتاجهٖ ابقي لوحدي الفتره دي ، اعيد حساباتي من اول وجديد تاني ، اعرف انا هعمل لي، وحياتي هتمشي ازاي ، احسب خطواتي وازاي اختار راجل بجد ، واتخطي كل ده ، نمت وانا دموعي علي خدي صحيت الصبح كان كل حاجه باللون الاسـ،ـود وابيض بالنسبالي اول ما قمت قفلت باب اوضتي بالمفتاح وطلبت منهم يسيبولي شويه وقت وشويه مساحه لحياتي ، هما مش بنات عشان يفهموا الي انا فيه ، مش عارفين انا بمر بـ اي ؟ ، بس انا تعبت

دخلت غسلت وشي وصليت وهنا مقدرتش امسك نفسي انهارت ومقدرتش اتحكم في دموعي صوت شهقاتي بقي عالي خلصت صلاه وفضلت علي سـ،ـريري بين دموعي وحزني ، خبط الباب

_ مين ؟

ابن الجيران مثلا ؟ افتحي يا بنتي

لو سمحت يا عُد…

اتكلم بهزار : لو سمحت يا عـُدي سيبني شويه ، انا تعبانه وعايزه انام وبلابلابلا ، انجزي بقي

فتحت الباب ورجعت علي سـ،ـريري وانا بقول بخـ،ـنقه : في اي

جايلك عريس ، حمزه طلب ايدك مني

بصيت له بعصبيه : لا يا عدي

يا بنتي هو مُصر إنك تقابليه ، قابيله وبعد كده لو مفيش قبول وافقي

( طبعاً كنت رافضه رفض تام ، مش عايزه اعيش الرحله تاني! ، بس أصروا عليا وانا وافقت موافقه مبدأيه ، جه ميعاد الرؤيه الشرعيه قعدت قدامه بهدوء

_ انت جيت هنا لي ؟

* ده كرسي الإعتراف ولا اي

_ دىمك خفيف ، هتجاوب ولا اقو..

* يا شيخه بالله عليكي ده انا مصدقت توافقي ، عشان ممكن اكون حسيت إنك الانسانه الوحيده الي انا عايزها

_ يبقي انت مطلق صح ؟

* لا ، لي ؟

_ عشان المجتمع لازم ما دام البنت حصلها حاجه ، يبقي الي يجيلها برضو ليه ماضي.

بصلي بإستغراب: هو انا هتجوز المجتمع ولا هتجوزك ؟؟

بصيت له بقلق: ده لو وافقت

* هتوافقي إن شاء الله

_ بتصلي ؟؟؟

* الحمد لله

_ بتشرب سجائر ؟

* الحمد لله

بقلق _ الحمد لله اي ؟ بتشرببب؟

* يا بنتي لا الحمد لله لا مش بشرب