رواية القايمه

_ ردك هيوصل مع بابا و اخويا، السلام عليكم

* وعليكم السلام ورحمه الله وبركاته .

عدي اسبوع وانا في حيره كبيره ، مش عارفه اعمل اي ؟ ، اوافق ؟ طيب والمجتمع والناس ؟ ، طيب هل انا اتعافيت اصلا ؟

خدت نفسي بهدوء واستأذنت من عدي اخد تليفونه وارن علي حمزه بوجوده

_ حمزه ، انا لسه متعافتش ، لسه بميل الاولاني ، مش عارفه هقدر أنساه ولا لا ، انا اه بكرهه بس فيه نقطه لسه جوايا ، انا مش عايزه اظلمك معايا والقرار قرارك في الاول وفي الاخر ..

قفلت ومردش علينا لمده اسبوع كاملين ، خلاص كده هو رفض ، وده حقهٰ جداً ، ليه حق الإختيار في كل حاجه ، انا مش هغصبه علي حاجه ، ما دام لسه في البر ومحدش مال للتاني …يتبع

الجزء الثالث من هنااااااا

 

رواية القايمه الفصل الثالث

استغربت أما موبايل عُدي رن بأسم حمزه ، بس قولت هما لسه صحاب فـ عادي يعني

عدي نص ساعه كلام لحد ما زهقت ، يبقي اكيد لسه عند موقفه

عـدي: هتنزلي تشتري الفستان امتي

بصيت له بإستغراب

يا بنتي عشان خطوبتكم

خطوبه مين يا عنيا

حمزه لسه قافل معايا دلوقتي

 

_ وهو مردش في ساعتها لي

* عشان كان بيجهز فلوس الشبكه كامله ، كان بيشتغل في اليوم ورديتين عشان يكمل المبلغ

_ بصيت له بصدمه ، يعني مكانش رافض يكمل ، يا لهوي ، كده احنا متضطرين للاسف

دخلت لـ عُدي بقلق : هو لازم ينزل معانا ؟

* يا حبيبتي عشان تختاروا مع بعض الفستان والبدله

_ بس انا متوتره

* هو مش هيغصبك علي حاجه يا حبيبتي ، متقلقيش من حاجه انا معاكي

_ كنت خايفه ومتوتره وقلقانه بشكل كبير

 » بس ده ضيق اوي

_ فعلا اه بس شكله حلو

 

 » طيب اختاري واحد تاني

_ ده شكله حلو اوي وواسع

 » اه حلو اوي

_ لو سمحت بكام ده

بـ ٣٠٠٠ يا فندم

وشه اتغير تماماً ، عرفت أنه مش معاه المبلغ ده ، فـ قولت اعمل نفسي هبله

_ بس مش حساه عليا هيبقي حلو ، طيب ينفع اشوف حاجه تاني سمبل اكتر ولخطوبه ساعتين

دورنا كتير لحد ما لقيت واحد حلو بسعر كويس ومناسب وبسيط وخلصنا كمان بدلته ، كان علي وشه ملامح الراحه إنه متحرجش قدامنا

 

 » تعالوا ندخل المطعم ده ناكل ؟

_ لا انا عايزه اشرب عصير قصب

 » عصير قصب ؟

_ ايوه

بصلي عُدي بفخر

انا مش عايزه اكلفه كتير ، عشان لسه شبكه ، عفش ، شـ،ـقه ، ووووو.. ، رفقاً بالشباب بالله عليكم .

روحت وكنت فرحانه بكل شيء ، ولا اكني شاريه حاجه محدش اشتراها

السعاده مش اني اشتري زي بنت خالتي ، ولا اعمل زي بنت عمتي ولا ولا ولا ، لا طبعاً ، بلاش تبصوا علي الشكليات وخليكوا في الإنسان الي قدامكم ببساطه وهدوءه وحنيته

جه ميعاد الخطوبه واناا خايفه وقلقانه جم قرايبي

 

‘اي ده الميكب ارتيست اتاخرت اوي كده لي ؟؟

_ بس انا مش جايبه ميكب ارتيست

بصدمه ‘ نعم ؟؟ لي إن شاء الله

_ انا عايزه احط ميكب لنفسي

‘ بس

_ مبسش يا رؤي انا حابه كده

‘ طيب انتي حره طبعاً ، بس الميكب ده مش اورجينال ، ده كوبي اورجينال

_ هتفرق ؟

 

‘ اه طبعاً في الكواليتي

_ معلش ، انا حاباه كده ، وبعد اذنكم اطلعوا بره شويه عقبال ما البس

( مكدبش عليكم لو قلتلكم متضايقتش بالعكس ، اتضايقت وزعلت وحسيت اني اقل منهم بس نفيت كل ده وقولت وماله يعني ؟ )

لبست وجهزت نفسي وكنت زي القمر

الخطوبه كانت في البيت عادي والشبكه كانت بسيطه وشيك

كنت فرحانه جداً اني مع شخص بسيط ، وقدر للاسف يوقعني في حبه ، بهدوءه وروقانه وبساطته

عدي شهر وهو بيتشغل بإيده وسنانه

 » اي يا روان اخبارك اي ؟

_ الحمد لله يا حمزه ، انت كويس

 

 » للاسف لا ، الشغل صعب اوي ، ومش قادره اشتغل اكتر من شغلتين انا بروح انام ساعتين بس عشان اجيب اي حاجه ، خايف باباكي ميعذرنيش ، خايف مقدرش اجيب حاجه في المده الي عمي اداهالي ، خايف مقدرش اكفيكي .

_ حمزه اعمل الي تقدر عليه ، انا مش عايزه حاجات اوفر ، انا بس عايزاك تكون بخير ، انا هنزل بكره شغل في المدرسه مدرسه لـ كيجي ، وكمان هروح ارتاح وهنزل الحضانه الي تحت البيت ، اسلي وقتي واساعدك في اي حاجه ، لو مثلا بقي معايا مبلغ نجيب مثلا الستاير مره ، الملايات مره ، السجاد مره ،والاطباق والحاجات دي

وبابا وعُدي كتر خيرهم هيجيبوا الاجهزه ، وإما اخلص الحاجه دي تكون انت كمان جبت شويه حاجات ، وبعد كده نساعد إحنا الاربعه في الشـ،ـقه

بحزن » لا يا حبيبتي انا الي المفروض اعمل كده ، متشتغليش ومتتعبيش نفسك ، انا الي المفروض اعمل كده ، مش أنتِ ، وعُدي المفروض يجهز نفسه لجوازته

_ متشيلش هم حاجه ، خير والله … يتبع

الجزء الرابع من هنااااااا

 

رواية القايمه الفصل الرابع 4 الاخير

متشيلش هم حاجه ، خير والله ، متخافش ، انا جمبك

بحزن : طيب خلاص هقفل بقي عشان الورديه التانيه هتبدا كمان ساعه ، وعايز الحق اريح

_ طيب يا حمزه ، تصبح علي رضي الرحمن

قفلنا ، وكنا إحنا الاتنين شايلين هم الدنيا ، لي لما نكون شابين لسه بنبدأ حياتنا من اول الصفر ، ونلاقي كل حاجه في حياتنا غاليه ، وكل حاجه اوفر ومش قادرين حتي نجيب نص الحاجه ، نعمل اي طيب ؟

نسرق ؟ ، طيب ما دي عقده للشباب ، طيب ما الشباب بتلجئ للطريق الاصعب الي هيتحاسب عليه ، أنهم يكلموا بنات في السر ، ربنا ييسر الامور يارب

عدي شهرين واحنا الاتنين بنتشغل شغل جبار ومتعب ، مش قادرين نعمل نص الحاجه المطلوبه مننا ، بس إحنا خليناها غير اي حد ، بقينا نحوش المبلغ واجيب مره حاجه ليا ، ونحوش ونجيب حاجه ليه ، وكذلك لحد ما ربنا يفرجها ، كل الناس المحيطه بينا كانت بتقول لا مش هتكملوا ، ازاي سيبتي الاولاني ده كان هيعيشك في عز ، مش احسن من ده ، انتي هتتجوزي عشان

 

تفتقري معاه ، ربنا يكون في عونك يا بنتي علي الفقر ده ، وعلي كده بقي ده هيأكلك اي ، اكيد مش بيخرجك ، هتجيبوا شـ،ـقه ولا هتعيشوا في مطبخ المطعم !

كلام كتير متعب ويزهق ، يخليك تتفرج مليون مره هل هتكمل ولا لا ؟

هل ربنا هيسترها معانا ولا لا

عنينا كتير سنه كامله إحنا الاربعه بنتشغل ومش ملاحقين ، الحمد لله جبنا الشـ،ـقه وكم كبير بس ناقصلنا كتير اوي والله

لسه اوضه النـ،ـوم متجبتش ولا المطبخ ، خلاص طلع عينا

^بس مش شايفه إنها غاليه شويه يا حبيبتي

اتكلم حمزه : لا يا عمي خليها تجيب الي هي عايزاه ، انا الحمد لله ربنا كارمني بقرشين واقدر اجيبها

_ بابا عنده حق يا حمزه ، فعلاً القرشين الـ زياده دول نجيب بيهم حاجه تانيه

 

 » انا مش عايزك تحرمي نفسك ، جيبي الي انتي تحبيه ، أنا الحمد لله ربنا كارمني

خلاص النهارده كتب الكتاب ، شريط بيتعاد ، فاكره الي حصل من سنه ونص ، حمزه اتأخر ، اتأخر اوي عن المعتاد ، موبايله مقفول

فضلت قاعده قلقانه وخايفه

لحد ما قطع تفكيرنا دخلته باستعجال ، بصلي وانا واقفه ورا العمود قلقانه بدموع

بهمس  » انا آسف ، كان ورايا شغل والله

دخل من غير ما ارد عليه وقعد بسرعه واعتذر ومضي علي القايمه من غير ما يقرأها حتي!!

عُدي : حمزه اقري القايمه

 » ولو فاضيه يعني ؟ ، انا راضي يا غالي ، المأذون هيبدا

 

«بارك الله لكما وبارك عليكما وجمع بينكما في خييير»

سامعين صوت قلبي!

بصيت بشماته علي الناس الي قالتلنا مش هنكمل ، كنت فرحانه وسعيده ، إن بعد كل الي حصل ده والمرمطه والشغل ليل نهار ، أخيراً اتجوزنا ، رفقاً بالشباب باللهٖ

تــمــت بفضل الله