جوزي خلاني أرمي أبني

وقبل ما نبدأ حكايتنا اعرفكم على بطلتنا اسمها مروة عندها 35 سنة متجوزة وعايشة في بيت عيلة ومع حماتها وأهل جوزها ودايما في في مشاكل وفي يوم حماتها قالت لجوزها شوفت اللي مراتك عملتة النهاردة يا اشرف انا عارفه ياخويا جبتها لنا من اي مىصيبة

اشرف

ليه بس ياما هي مروة عملت لك ايه عشان تقولي كده

الام

عملها اسود يابني البت بقول لها انزلي اعملي شوية بدال سلفتك اللي حامل دي تقوم تطلع فيا تاكلني يرضيك كده يابني

اشرفد

اهدي يا أمي وانا لما اطلع لها اشوف شغلي معاها انتي عارفه انها بتسمع كلامي ومش بتكسر لي كلمة

الام

ااه والنبي ايه ياحبيبي طيب يابني لما اشوف كده هتسمع كلامك ولا ايه دي عايزة تعيش هانم ولا عايزة تمد ايديها في حاجة خالص عايزة نسوان اخواتك هما اللي يخدموها

اشرف

خلاص بقا يا أمي أنا هتكلم معاها واديها كلمتي عشان تحترم نفسها وتبطل تتعالي عليكم خلاص بقا ياست الكل

وطلع اشرف عند مروة وقال لها

هو انا كل يوم ارجع من الشغل الاقيكي عاملة مشكلة مع امي هو في ايه يامروة بالظبط انا زهقت منك بقا

مروة

زهقت مني انا يعني انت سايب اللي هما عاملين معايا المشكلة وجايين عليا وماسك فيا انا يا اشرف ماتروح تشوف امك وكل واحده من مراتات اخواتك بيعملو فيا ايه انا وابنك

اشرف

بقولك ايه انا مش عايزة وجع دماغ انتي في البيت ده تقولي نعم وحاضر وبس انما ملكيش انك تعملي مشاكل كل شوية مع دي ومع دي

مروة

طيب يا اشرف انا مش هيبقا ليا دعوة بيهم وهفضل في شىقتي ومحدش ينادي عليا ولا يقولي تعالي اعملي ومتعمليش

اشرف

لا ياروح امك انتي هنا خدامة لأمي وللي في البيت كلهم انتي سامعه ولا لا والا وربي ارميكي في الشارع

مروة

انا مش خدامة عند حد يا اشرف ماشي واللي عندك اعمله انا زهقت منك ومن عمايلك انت وامك واخواتك حرام عليكم بقا

اشرف

بقا كده طيب انتي طىالق يامروة شوفي بقا هتروحي فين بابنك ده وانا مش عايزة عشان هيفضل معاكي

مروة بصذمة

ينهار اسود انت طىلقتني يا اشرف انت مش عارف ان دي آخر طىلقه ليا حرام عليك يا اخي ليه كده مصعبش عليك ابنك ده

اشرف

لا مصعبش عليا ويلا بقا خودي ابنك ده وغوري من البيت ومش عايز اشوف وشك هنا تاني

مروة

منك لله يا اشرف انت وامك وكل حد في البيت ده جه عليا منكم لله

ونزل تحت عند امه اللي زرغطت وقالت الف بركة يابني الف بركة يلا خليها تغور في داهيه بلا هم دي كانت ولا شكلنا ولا تهمنا من الاول انا مش عارفه حدفتها علينا من اي مصيبة

2