جوزي خلاني أرمي أبني

جوزى خلانى ارمى ابنى

اشرف

خلاص بقا ياما اديني طىلقتها ومشيتها اهو عايزة ايه تاني ياست الكل

الام

عايزاك طيب يا ضنايا اهو كده ريحت قلبي انا عمري ما حبيت البت اللي اسمها مروة دي خالص

اشرف

عارف انك مش بتحبيها لا انتي ولا مرات اخويا على ولا مرات محسن بس اشمعنا مروة مش عارف يا أمي

الام

عشان اللي اسمها مروة دي جايه من بيت جوع مش شكلنا ياحبيبي خالص دي بت سماوية وعامله دي الحرباية ومش بترضي تسمع كلامي في حاجة

اشرف

خلاص اخي مبقتش مراتي وهتمشي عشان تستريحي انا مقدرش أرفض لك طلب

الام

خلاص يبقا بحيث كده بقا انت تتجوز البت فاطمة اخت نوال مرات اخوك بت زي العسل وكمان ايه مطيعه وهتسمع كلامي في كل حاجة

اشرف

طيب شوية كده يا امي انتي واخداني على الحامي ليه كده استني شوية كده وانا هتجوز تاني وتالت كمان لو حبيتي

الام

حبيب امك انت اللي مريح قلبي دايما

وبعدها نزلت مروة هي وابنها وهما ماشين حماتها قالت لها

مع السلامة والقلب داعي لك ياختي ههههه يلا خلي البيت ينضف

مروة

والله البيت ياحماتي عمره ماهينضف طول ما انتي فيه انتي والعقارب مراتات ولادك دول حسبي الله ونعم الوكيل فيكم

الحما

انتي كمان بتتحسبني علينا في وشنا يابت طب غوري من هنا يلاااا غوري ارجعي لبيت الجوع اللي انتي جيتي منه كتك القرف واحده زباله

ومشيت مروة وهي بتعيط وفضلت تقول منكم لله حسبي الله ونعم الوكيل فيكم

رد عليها ابنها يوسف اللي عنده 8 سنين وقال لها

هو احنا رايحين فين يا ماما دلوقتي عشان انا جعان انا ماكلتش من الصبح

مروة

معلش يا يوسف استحمل ياحبيبي لحد لما نوصل لبيت تيتة عشان انا مش معايا فلوس حتى نركب مواصلة

يوسف

يعني مش معاكي فلوس اجيب لي ساندوتش ولا كيس شيبسي انا جعان ياماما خالص

مروة عيطت وقالت

منك لله يا اشرف انت وامك ومرات اخوك واخواتك وربنا يجيب لي حقي انا وابني منكم كلكم

وفضلت ماشية على رجليها لحد لما وصلت بيت أهلها وامها قالت لها

ده ايه ده ان شاء الله انتي جايبة ابنك والشنطة دي ورايحة على فين كده ياست مروة

مروة

جايه عندك ياماما اومال اروح فين لما جوزي بطىلقني ويرميني انا وابني كده من غير لا حول لنا ولا قوة

الام

وانا مالي ياحبيبتي وبعدين انتي بتقولي ايه انتي اتطىلقتي يابت ولا ايه ردي انطقي اتطىلقتي

مروة

ايوه أطىلقت طىلقني الواطي اللي بيسمع كلام امه في كل حاجة انا مش هاقول غير حسبي الله ونعم الوكيل فيهم

الام

طيب وانتي بقا ناوية على ايه ياروح امك دلوقتي هتعملي ايه

مروة

هفضل معاكم هنا لحد لما الاقي بس سكن وشغل وامش هتشوفيني هنا تاني

الام

نعم ياختي وانا بقا هفضل مستحملاكي انتي وابنك لحد لما تلاقي سكن وشغل لا لا الكلام ده مش هنا يامروة انتي من بكرة تدوري على سكن تاني الشىقة عندي ضيقة اوي زي ما انتي شايفه كده

مروة

ماشي ياماما انا مش هطول وربنا يسهل والاقي حاجة اشتغل فيها علطول طيب بقولك ايه ياماما مفيش عندك اي لقمة ليوسف ياكل لحسن ده جاي جعانة وماكلش طول النهار

الام

وانا اجيب له اكل منين يا مروة انا وبعدين انا مطبختش حاجة استني اخلي اختك تعملة ساندوتش جنبة صغير كده ياكله

وفعلا ندهت امها على اختها الصغيره سها وقالت لها

بقولك ايه يا سها اعملي ساندوتش صغير كده لابن اختك بس متحطيش في جبنة كتير

سها

حاضر ياماما بس هي مروة جايبه شنطة هىدومها ليه هو انتي مسافرة يا مروة ولا ايه

مروة

لا يا سها انا أطىلقت ياختي وجايه اقعد معاكي انتي وماما وعماد اخوكي

سها بصذمة

نعم جايه ايه لا لا ياحبيبتي انتي تروحي تشوفي لك مطرح تاني تنامي فيه انتي وابنك انا الاوضة مكفياني بالعافيه هتيجي بقا انتي وابنك وتزحميها

مروة

يعني انتي عايزاني اروح فين بس يا سها وبعدين هي الاوضة دي مش كانت بتاعتي انا وانتي يعني انا ليا فيها زيك بالظبط

سها

لا الكلام ده كان زمان قبل ما انتي تتجوزي ودلوقتي بقا دي بقت بتاعتي انا لوحدي ومعلش يعني مش بحب حد ينام جنبي

مروة

يعني ايه ياسها وبعدين انتي دلوقتي عايزاني اروح فين انا وابني مش فاهمة

سها

وانا اش عرفني تروحو فين احنا مالنا

مروة

انتي عجبك كلامك بنتك ده ياماما شايفه بتقول ايه انا مش فاهمة انتي سيباها ترد عليا كده وانا اختك الكبيرة

الام

وهي ردت قالت ايه يامروة الله ماهي عندها حق برضو يوووه

مروة

ماشي ياماما واضح انك اصلا راضيه عن كلامها معايا على العموم انا هاخد اوضتة عماد انا عارفاه هو جدع وممكن ينام على الكنبة هنا عشان انام وانا ويوسف جوه

وبعدها رجع عماد من برة ومروة حكت له وقال لها

وانتي بقا جايه وعايزة اوضتي لا معلش يا مروة انا مش هينفع اسيبك الاوضة وانام على الكنبة ده احنا ضهري واجعني لوحده عايزاني كمان انام على الكنبة

مروة

خلاص ولا تزعلو نفسكم انا هنام انا وابني هنا على الكنبة وأمري لله

يوسف

بس الكنبة صغيرة اوي ياماما مش هتاخدنا انا وانتي

مروة

معلش ياحبيبي انا هاخدك في حىضني وان شاء الله تكفينا

وبعدها عدت الايام ومروة فضلت تدور على شغل في كل مكان لحد لما واحده من الجيران قالت لها

في شغلانة في مصنع كده يا مروة بتاع ملابس وكانو طالبين بنات شكلهم حلو زيك كده ايه رايك تروحي اكلمك المدير

مروة

ومالو ياخالتي ام ايه كلميه ينوبك ثواب فيا والله ربنا يبارك لك يارب

ام ايه

خلاص يا حبيبتي انا من بكرة هكلم المدير وتروحي علطول الشغل وان شاء الله يوفر لك سكن كمان ربنا يهدية يابنتي

مروة

يارب ياخالتي يارب

وفعلا تاني يوم كانت مروة اشتغلت في المصنع وكانت بتسبب ابنها مع امها في البيت وقالت له

بقولك ايه ياواد انت تسمع الكلام وتقعد زي الجزمة لحد امك ماترجع من شغلها هو انا كنت ناقصه همك انت كمان

يوسف

حاضر ياتيتة انا قاعد ساكت اهو مش بعمل حاجة خالص والله انا ساكت

الجده

ايوه كده اسمع الكلام عشان تبقى شاطر كتك الهم وانت شبه ابوك كده

وندهت على سها وقالت لها

بقولك ايه جهزتي الاكل ولا لسه عشان اوزع الواد ابن اختك ده لحد لما ناكل اللقمة وبعدين نرجعة تاني

سها

انا خلصت مستنية ناكل ياماما

الام

طيب خليه يروح يلعب في الحارة على بال امه ما ترجع من الشغل يلا بلا هم

وفعلا سها خلت يوسف ينزل الشارع يلعب ويوسف عشان هادي كان دايما يقعد في جنبك ورجعت مروة وقالت له

انت قاعد في الشارع كده ليه يا يوسف

يوسف

سها قالت لي انزل العب في الحاره ياماما بس انا مش بحب العب في الحارة انا عايز اكتب زي العيال اللي بكتب

مروة

حاضر يا حبيبي انا هخليك تتعلم وتقرا وتكتب كمان بس قولي انت اكلت ولا لا

يوسف

لا ما اكلتش حاجة من الصبح مكسوف اقول لتيتة اني جعان

وخدتة مروه وطلعت عند امها وقالت

هو انت ليه خليتو يوسف ينزل الشارع ياماما وهو اصلا مش بيحب يلعب في الشارع

الام

وهو انا اللي قولت له برضو ياختي ده هو اللي قال انه عايز ينزل الشارع حتى اسألي اختك اهيه

سها

ااه هو اللي قال ينزل الشارع

مروة

ماشي يايوسف انت عارف لو لقيتك نزلت الشارع تاني انت حر

يوسف

والله تيتة وسها هما اللي قالو لي

الام

بس ياواد يا كداب انت طالع كداب زي ابوك كتك القرف

يوسف

انا مش، كداب والله مش كداب

مروة

خلاص يايوسف عيب كده متردش على تيتة وعي بتتكلم خلاص تعالي لما اجيب لك تاكل

الام

هتجيبي له منين ياحبيبتي احنا معملناش اكل النهاردة ابعتي هاتي لك انتي وهو ساندوتيشين ولا حاجة

سكتت مروة مرضتش ترد عليها وفعلا جاب اكل لها وابنها

وعدت الايام والراجل المدير اللي اسمة حسين عرض على مروة الجواز وقالت له

انا موافقه بس بشرط هجيب ابني يعيش معانا انا مش هسيبة

حسين

طيب وليه مش نسبيه عند اهلك ولا توديه لابوه هو أولى بيه

مروة

لا مش هقدر استغني عن ابني الله يخليك انا شرطي اوافق يبقا اخد ابني معايا

وفعلا اتجوزها حسين وهو عنده بنت وولد وقال لمروة في يوم

اسمعي بقا يامروة انا ابنك ده مش عايزة مع عيالي في البيت انا عندي بنت وهو عيل والله اعلم ممكن يعمل في بنتي ايه

مروة

هو انت بتتكلم كده ليه ياحسين وبعدين هو هيعمل ايه في بنتك انا ابني متربي ومؤدب جدا وهادي ولا يمكن يفكر يعمل حاجة وحشة في بنتك ثم انه عيل صغير اصلا

حسين

انا مليش فيه انا عايزك توديه عند أهل جوزك هما أولى برعايتة وانتي كفايه عليكي ولادي ياما كده ياما اطىلقك وارميكي بره

فضلت مروة محتارة مش عارفه تعمل ايه مع ابنها راحت لحماتها وقالت لها

واحنا مالنا بابنك ياختي هو انتي عشان ترضي جوزك عايزة ترمي لنا الواد لا ياحبيبتي انا ابني اتجوز خلاص ومراتة مش عايزة عيال

مروة

طيب يعني اعمل ايه دلوقتي اروح بيه فين انا مش لاقيه اي مكان اوديه فيه

الحما

يوووه واحنا مالنا باللي انتي بتقوليه ده ماتوديه عند امك ولا توديه ملجأ ولا اي مصيبة يلا بقا غوري

خرجت مروة من عند حماتها وهي بتعيط وراحت لأمها قالت لها

3

جوزى خلانى ارمى ابنى